Моќен циклонски систем се формира во Медитеранот, и истиот понатаму ќе прерасне во УРАГАН, кој ќе се движи кон соседна Грција условувајќи олујни ветришта, силни дождови кои може да условат и локални поплави.
Влошување на времето се очекува уште во текот на утрешниот ден, главната сила ураганот ќе ја покаже во петок и во сабота, особено во јужните и во југозападните предели на Грција каде се очекува да падне и големо количество на воден талог.
Олујните до оркански ветришта се очекува да дуваат со брзина поголема од 100 км/час, понекаде и до 130, 140 км/час, локално и повеќе.
Во ваква ситуација, граѓаните треба да бидат внимателни и во случај на олујни ветришна и невреме да не излегуваат од своите домови.
Во продолжение погледнете го очекуваното количество на воден талог кој се очекува во соседна Грција за време на ударот на моќниот циклон кој ќе прерасне во ураган:
Влошувањето на времето кај нашиот јужен сосед се очекува особено во петок и во сабота, кога и врнежите ќе бидат најинтензивни и постои опасност од локални поплави.
Што се однесува до времето кај нас, во петок ќе дува умерен до засилен ветер од северен и од североисточен правец и истиот за време на викендот ќе услови пад на температурите на воздухот, особено на оние утринските кога ќе се спуштаат во интервалот од 7 до 15 степени, а во Беровскиот регион се очекува да биде и нешто постудено.
Услови за локален краткотраен дожд и ретки грмежи ќе има утре попладне и во петок кога ќе има повеќе облачност. Сепак и покрај ова големата суша која ја зафати нашата држава и понатаму ќе продолжи со таа разлика што во следните денови под влијание на посвеж воздух од североисток ќе биде и поладно.
Се на се, Македонија нема никаква опасност од овој МЕДИТЕРАНСКИ УРАГАН.
