Овен
Љубов: Сега ќе можете полесно да дишете и да ги преиспитате сомнежите од вашето љубовно минато. Партнерот со задоволство ќе ве слуша, а истото ќе го очекува и од вас. Имајте го ова на ум кога ќе почнете да се доверувате еден на друг.
Кариера: Во овој период ќе имате објективен пристап кон вашата работа. Тоа ќе ви помогне да го разјасните вашиот став и да го дефинирате планот за иднината. Ќе се зголемат одговорностите, но лесно ќе се справите со нив, а некои од вас ќе имаат можност и да патуваат.
Бик
Љубов: Интелектуалното ниво на личните односи ќе биде особено квалитетно, а сè останато ќе доведе до незадоволство и надмудрување. Со други зборови, зборувајте, но не инсистирајте на прегратки.
Кариера: Овие денови ќе бидат погодни за средување на помалите обврски. Сè ќе ви оди од рака, дури и ако не сте особено амбициозни. Сепак, доколку сакате да се занимавате со нешто поголемо или понапорно, ова не е идеалниот период. Доволно е да им се посветите на плановите во моментот.
Близнаци
Љубов: Во вашите лични односи ќе преовладува пријатна атмосфера. Ќе бидете задоволни, но и склони да се прилагодувате по секоја цена. Запомнете дека не мора да биде сè како што сака вашиот партнер.
Кариера: Ќе добиете одлични вести кои ќе ви бидат поттик максимално да им се посветите на работните обврски. Околностите ќе ви бидат во прилог, а вашиот бизнис ќе се развива во стабилна насока.
Рак
Љубов: Нема да останете рамнодушни на некој од вашите пријатели, па така ќе почнете да се двоумите дали да го зачувате пријателството или да се впуштите во љубовна врска. Како и да е, нема да згрешите доколку го слушате сопственото срце.
Кариера: Ќе сфатите колку многу го сакате она што го работите, а тоа ќе ви биде дополнителна мотивација за да вложите уште поголем труд. Освен тоа, вашата енергија и посветеност ќе бидат инспиративни и за колегите околу вас.
Лав
Љубов: Ќе чувствувате потреба за сигурност во приватниот живот. Сепак, немојте да барате докази за љубов од партнерот бидејќи тоа никому не му се допаѓа. Сфатете дека не постои гаранција за ништо на овој свет.
Кариера: Многумина ќе бидат во искушение да ѝ подлегнат на сопствената алчност. Затоа, размислете за она што го поседувате и ако сфатите дека тоа ви е доволно за нормален живот, не барајте повеќе.
Девица
Љубов: Сигурноста и стабилноста на личните односи ќе ви станат важни, па така сета енергија ќе ја насочите кон нив. Партнерот не само што ќе биде пријатно изненаден туку и ќе ви ја даде сета можна поддршка.
Кариера: Ве очекуваат патувања и можности за учење. Освен тоа, овој период ќе се истакнете на работа благодарение на вашите одлични идеи.
Вага
Љубов: Ќе го прифатите она што го имате, а благодарение на таквиот зрел пристап, ќе почнете да уживате во малите нешта кои многу ви значат. Доколку сте слободни, ќе бидете поскромни во љубовните очекувања.
Кариера: Клучот за успехот лежи во подготвеноста да се борите за она што ви припаѓа. Следете ги вашите идеи и бидете доследни и професионални.
Шкорпија
Љубов: Малите нешта ќе ве направат среќни и задоволни. Бидете отворени, имајте доверба во оние кои ве сакаат и ќе увидите дека набргу нештата ќе се подобрат.
Кариера: Ќе се замислите во улога на лидер, а многумина од вас и ќе мораат да ја преземаат таа улога на работа со оглед на ситуацијата. Освен тоа, ќе го поттикнете развојот на нови идеи или технологии. Ве очекува динамична недела.
Стрелец
Љубов: Во поглед на љубовниот живот ќе се фокусирате на секојдневието. Така, нема да имате големи желби туку ќе бидете поскромни од вообичаеното.
Кариера: Полека излегуваат на виделина резултатите од трудот што досега го вложивте, но треба уште многу да се постигне. Сепак, задоволството кај надредените за вашиот напредок ќе расте сè повеќе и повеќе.
Јарец
Љубов: Ве очекуваат квалитетни љубовни денови. Полека ќе ги решите недоразбирањата со партнерот и одново ќе најдете заеднички јазик.
Кариера: До неодамна фантазиравте за одредени деловни потези, а сега ќе имате одлична можност да ги разработите вашите планови.
Водолија
Љубов: Ќе бидете подготвени за нови луѓе и познанства, но сè уште постои можност за расправии и провокации. Затоа, бидете особено внимателни во начинот на кој комуницирате со другите.
Кариера: Ќе продолжите со тивката дипломатска стратегија, а она што ќе го договорите веднаш ќе го спроведете. Така, ќе се одвиваат наизменично двата стила на работа: едниот потивок, а другиот подинамичен.
Риби
Љубов: Во поглед на емоциите, ќе доминира вашата интровертна страна што е навистина ретко. Така, љубоморно ќе ја чувате својата љубов и никому нема да ја покажете.
Кариера: Ве очекуваат нови познанства со луѓе од вашата професија. Тоа ќе ви даде можност за воспоставување нови соработки, но и добивање нови информации кои ќе бидат корисни за вашиот професионален развој.
