Кристина Димитриевска е „Балканска убавица“ по втор пат: Во 2014 титулата ја одведе до Даниел Кајмакоски, кој ли ќе има „Х – фактор“ годинава? (ФОТО)

|

Македонската мисица, модел и новопечена „пејачка во обид“ Кристина Димитриевска е новата Балканска убавица. Имено, таа не изборот одржан минатиот викенд во Белград, како претставничка од Македонија под патронат на Модното студио „Црнокрак“ ја понесе титулата „Мис на Балканот 2019“.

Интерсно е што на Кристина ова не и е прва титула, како што не и е и прв пат да се закити со дијадемата за „Балканска убавица“. Имено, во 2014 година, тогаш се’ уште малолетната тетовка, 17 – годишната Кристина Димитриевска во скопскиот хотел-ресторан Томче Софка ја понесе титулата новогодишна „Балканска убавица“… по прв пат!

И оттогаш и тргна… Како што му тргна нему, на нејзиниот сега веќе бивш сопруг, пејачот Даниел Кајмакоски, кој некако во исто време во таа 2014 година победи на регионалното музичко талент шоу „Х- фактор“.

Тогашната новогодишна „Балканска мисица 2014“, титулата ја одведе токму до него- момчето со „Х – Фактор“, Даниел Кајмакоски, чија љубов заврши со брак, а недолго потоа и со приниова во новоформираното семејство, синчето Давид!

Брачната идила годинава завршува со разделба на приватните и вкрстување на професионалните патишта. Даниел и се враќа на музиката, Кристина тргнува да му стане конкуренција, во обид покрај манекенската, да направи и музичка кариера!

Пет години подоцна историјата се повторува. И тоа замислете во ист викенд, во кој Даниел Кајмакоски победува во шоуто „Твоето лице звучи познато – (ТЛЗП)“, а сега веќе бившата му сопруга одново станува „Мис на Балканот 2019“… по втор пат, ама овој пат и таа во Белград!

Кармата е стара проверена кучка велат, само што е прашање дали, кој и што ќе добие овој пат со победите?

Нејзината титула „звучи познато“. Таа Кристина Димитриевска во 2014-тата ја одведе до Даниел Кајмакоски…

Останува да видиме дали и со чиј „Х-фактор“ ќе ја спои годинава? А и песната и се вика… „Сакам пак“!