Денес, како и во следните денови времето во Македонија ќе биде сончево и се потопло со мала до умерена локална облачност. Ќе дува слаб до умерен ветер од северен правец, и истиот особено Долж Повардарието повремено ќе засилува на интензитет.
Исклучок ќе биде недела кога во попладневните и во вечерните часови локално ќе биде нестабилно со краткотраен пороен дожд, грмежи, засилен ветер и услови за ретка појава на град. Температурите ќе се искачуваат во интервалот од 30 до 39 степени.
Во Скопје и околината, денес како и во следните денови времето ќе биде стабилно, суво и сончево со мала до умерена локална облачност. Ќе дува слаб до умерен ветер од северен правец и истиот повремено ќе засилува на интензитет. Исклучок ќе биде недела кога во попладневните часови во делови од котлината ќе има помали услови за краткотрајна појава на нестабилност. Температурите ќе се искачуваат во интервалот помеѓу 35 и 36 степени.
Ув – индексот во следните денови ќе има ЕКСТРЕМНО ВИСОКА вредност и ќе изнесува коефициент 10, па затоа на граѓаните им советуваме да се заштитуваат од лошото влијание на сонцето – вели метео прогнозерот Славчо Попоски.
