Ова е загатката на Ајнштајн, а тој рекол дека само 2% од луѓето можат да ја решат.
Доколку мислите дека спаѓате и вие во таа група обидете се да ја решите.
Постојат пет куќи во кои живеат петмина луѓе. Секој има куќа во различна боја, пуши различни цигари, пие различен пијалак и има свое милениче. Целта е да откриете кој ја има рибата.
Англичанецот живее во црвената куќа. Швеѓанецот чува кучиња. Данецот пие чај. Зелената куќа е лево од белата куќа. Сопственикот на зелената куќа пие кафе. Човекот кој пуши Пал Мал одгледува птици. Сопственикот на жолтата куќа пуши Данхил. Човекот кој живее во куќата во центарот пие млеко. Норвежанецот живее во првата куќа. Човекот кој пуши Бленд живее покрај оној кој чува мачки. Човекот кој пуши Блу Мастерс пие пиво. Човекот кој чува коњи живее веднаш до оној кој пуши Данхил. Германецот пуши Принц. Норвежанецот живее покрај сината куќа. Човекот кој пуши Бленд има сосед кој пие вода.
Одговорот на оваа загатка можете да го видите подолу.
Рибата ја има Германецот.
