Министерството за финансии им ги зголеми платите на околу 650 работници за 30 отсто кои ги добија сега, но ретроактивно од јануарската плата. Министерот Бесими, користејќи го Законот за буџет, иако еднаш ја повлече одлуката, сега повисоки плати им даде само на вработените во неговиот сектор, во Управата за имотно-правни прашања и во Бирото за јавни набавки, институции кои се под ова министерство. За другите покачувања вели дека треба да се чека идната година за прво да се одобри новиот закон за плати и методологијата за плати за да не растела инфлацијата. Но, вицепремиерот Фатмир Битиќи вели дека методологијата може да се примени и оваа фискална година.
„Оваа методологија мора да се направи во договор со синдикатите. Не сме склони кон систематски решенија. Водени сме да преговараме секогаш и со нешто да уценуваме некого, затоа во Социо-економскиот совет им порачав на синдикалците еднаш засекогаш да го решат проблемот со платите и потоа да се занимаваат со поважни работи“, рече Битиќи.
Во пресрет на новата пресметка за плата која синдикалците ја бараат како референца просечната плата и новиот колективен договор за кој преговараат синдикатите и надлежните, новиот предлог закон за плата го подготвуваат и Министерството за администрација и Министерството за финансии. Битиќи вели дека во моментов јавните плати се распределуваат со систематско несовпаѓање.
„За жал, морам да признаам дека некој сакаше да избегне цепење глава кај нас за корекција на платите во јавниот сектор еднаш засекогаш. Еден факт, верувам дека сите треба да знаат дека платите во јавниот сектор се регулирани преку 200 различни законски и подзаконски акти. Зошто е направено ова, сметам дека некој намерно го направил не за да има систем и стабилно решение, туку за да има алатка за манипулирање со животите на луѓето во нашата земја“, додава Битиќи.
Но, функционерите веќе си добија покачување на платите и тоа за дури 78%. Вицепремиерот Битиќи како и некои негови колеги објави дека со ова покачување сега зема плата од 125 илјади денари. Вицепремиерот Груби се пожали дека покачувањето било најниско и во обид да се намалат тензиите. Ако Уставниот суд донел поништување на делот од законот, а не укинување, тогаш нивната одлука би била ретроактивна, па на 1.060 функционери ќе требало да им бидат исплатени високите плати од 2012 година, односно за минатите 11 години со сите камати.
