Оваа среда метеоролозите најавуваат сончево и топло време со нестабилност која попладне ќе дојде до израз.
Од УХМР најавуваат локален пороен дожд, грмежи и засилен ветер, наместа со услови за појава на невреме.
Минималната температура ќе биде во интервал од 13 до 21, а максималната ќе достигне од 29 до 37 степени. УВ-индекстот ќе има вредност 8.
Во Скопје претпладне ќе биде сончево со мала до умерена облачност и со умерен северен ветер. Попладне во делови од котлината ќе има развој на нестабилна облачност со пороен дожд, грмежи и засилен ветер. Минималната температура ќе се спушти до 19, а максималната ќе достигне до 33 степени.
УХМР соопшти дека на повеќе места денеска ќе има нестабилно време, локално во форма на невреме, а во северните делови ќе има пад на температурата за околу три степени.
Стабилизација на времето ќе има во четврток, додека нестабилен бран доаѓа во петок и сабота кога ќе има обилни врнежи од дожд, температурите ќе паднат, а локално невремето ќе биде со силни електрични празнења, град и засилен ветер.
