На сметката на Агенцијата за управување со одземен имот легнаа 244 илјади евра од продажбата на два стана и едно земјиште кои му беа одземени на поранешниот директор на УБК, Сашо Мијалков.
Овој имот е дел од спогодбата која ја направи Мијалков со обвинителството во предметот за перење пари, „Империја“. Му беше одземен имот во вредност од 30 милиони евра.
Двата стана кои се продадени се сместени во елитниот комплекс на една од плажите Горица во Охрид. Земјиштето е од неколку стотина кавдрати. Кој е купецот на имотот од агенцијата не може да откријат, се додека името и презимето на новиот сопственик не биде впишано во имотниот лист.
„Ниту сум информиран за име и презиме. Само знам многу имало заинтересирани купувачи кои, секако, имаат право по закон. Целата јавност која ги исполнува условите било физичко или правно лице да си конкурира и да си го купи било кој имот, не само на господинот Сашо Мијхалков кој е конфискуван од страна на државата“, вели Дритон Небиу од Агенцијата за управување со одземен имот.
Становите еден од 65 метри квадратни и другиот од 114 метри квадратни вкупно беа проценети од Бирото за судски вештачења на сумата за која се и продадени.
„Ние не можеме да кажеме дали сме задоволни или не сме задоволни, заради тоа што цената ја одредува Бирото за за судско вештачење“, смета Небиу.
Кога ќе има наредно надавање за преостанатиот имот на Мијалов зависи од Владата која треба да и даде согласност на Агенцијата.
„Веќе е пратено до Влада го чекаме нивниот одговор. Значи за многу имоти станува збор. Не е само господинот Сашо Мијалков има и други имоти кои се веќе со пресуда во имот на Агенција за управување со одземен имот“, додава Небиу.
Парите од продажбата од сметката на агенцијата ќе бидат префрлени во Буџетот на државата.
