Утрото свежо, преку денот сончево со мала локална облачност претежно во планинските региони. Ќе дува слаб ветер од променлив правец. Минималната температура ќе биде во интервал од 3 до 14, а максималната ќе достигне од 25 до 30 степени.
Во Скопје сончево со мала локална облачност и со слаб северен ветер. Минималната температура ќе се спушти до 7, а максималната ќе достигне до 28 степени.
Продолжува периодот на стабилно и релативно топло време со свежи утра. Во четврток и петок во попладневните часови ќе има зголемување на облачноста и услови за појава на краткотраен локален дожд претежно во западните делови од земјата. Во петок се очекува и засилен северен ветер претежно вдолж Повардарието.
Во Берово изутрина во 8:30 часот се измерени два степени, а највисоката утринска температура во државава е во Дојран, 12 степени.
Според УХМР, четири степени се измерени во Лазарополе, пет во Битола, шест во Скопје-Петровец, Тетово, Струмица, Крива Паланка, Маврови Анови, седум во Демир Капија, осум во Куманово, Велес, Прилеп, Претор, девет во Скопје-Зајчев Рид, Штип, Охрид, Кавадарци, Гевгелија, Крушево, како и десет во Виница.
