Полицијата до Основното јавно обвинителство Битола поднесе кривична пријава против А. В.(20) од Кичево, за предизвикување пожар во затврото во Битола. Пријавата е поради постоење на основано сомнение за сторено кривично дело „Предизвикување општа опасност“, казниво по член 288 од Кривичниот законик.
Според СВР Битола, на 11 јули во периодот од 19.00 до 19.20 часот, во Затвор-Битола тој предизвикал пожар во ќелијата каде издржувал притвор, при што просторијата била опожарена, а биле оштетени и други простории во Притворското одделение.
По пожарот 18 протвореници од Битола биле преместени во други притворски одделенија во Затвор-Скопје и во Затвор-Охрид, со полициска асистенција, а на неколкумина чувари поради вдишен чад им била укажана лекарска помош.
