Ако ги набљудувате навиките на богатите и сиромашните луѓе, ќе забележите дека тие се дијаметрално спротивни.
Но, како би знаеле дали некој е роден со златна лажичка или добро се изнамачил како дете, за сега да живее пристоен живот.
Луѓето кои како деца живееле скромно или растеле во сиромаштија, имаат 8 клучни навики кои ги издаваат:
1. Трошат пари на работи кои реално не можат да си ги дозволат
Желбата на родителите да заштедат некој денар и да издржат до следната плата, значително се одразува на детето. Кога ќе пораснат, децата почнуваат да ги трошат парите кои ги немаат и купуваат работи кои можеби и не им требаат.Таков е случајот со сите модерни гаџети и скапата технологија, која 90% од луѓето ја купуваат на рати, бидејќи не можат да си ја дозволат.
2. Парадоксално, попрво би купиле скап подарок, отколку да ги потрошат парите на себе
Луѓето кои сметаат дека некоја работа за нив е прескапа и нема поента да ја поседуваат, а без проблем би ја купиле за подарок, се оние кои растеле скромно и сиромашно.
На овој начин се обидуваат на другите да им покажат дека имаат финансиска стабилност, штом одвоиле толкав буџет за подарок, иако самите се свесни дека ситуацијата е спротивна.
3. Посклони се на ризик
Се верува дека децата кои растеле во сиромаштво се склони на ризични предизвици со пари, како на пример коцкање и обложување, бидејќи во главата им е врежано дека „немаат што да изгубат.“
4. Сакаат убава храна и се срамат да фрлат макар и неколку залчиња
Свесни се како е да живееш со празен стомак и да немаш пристап до високо квалитетна храна, па како возрасни сакаат да пробаат сè што им се нуди.
Исто така, се екстремно внимателни со рокот на употреба и не дозволуваат работите. Се чувствуваат ужасно кога нешто ќе скапе од лошо планирање на неделното или месечното мени, па мора да го фрлат.
5. Би платиле и повеќе од потребното, само за да имаат комфор
Ако како деца секој денар им бил внимателно искалкулиран, кога ќе пораснат и ќе почнат да заработуваат, луѓето почнуваат да си дозволуваат комфорни работи.
На пример, иако јавниот превоз е далеку поевтина варијанта, сепак ја бираат удобноста на таксито.
6. Инстантно ја празнат сметката
Штом им се исплати платата, во наредните неколку дена живеат кралски, за потоа да се притискаат до следната. Ова е најголемата грешка која ја повторуваат луѓето кои израснале во сиромашни семејства.
7. Кога им се нуди нешто бесплатно, непријатно им е да прифатат
На пример, корпоративните ручеци или картички со попуст за во теретана на сметка на фирмата во која работат за нив се непријатна тема.
Кога некој и да се обиде да им даде бесплатни работи, имаат чувство како да ги жали, токму поради тешкото минато.
8. Избегнуваат да склучат договор за автоматско повлекување на пари, бидејќи најважното го плаќаат во последен момент
Не сакаат да се согласат на повлекување средства од сметката, бидејќи дури и најважните долгови не ги плаќаат додека не им пристигне опомена.
