|
Утринава значително облачно и студено. За денеска, Управата за хидрометеоролошки работи најавува претежно облачно време со магла по котлините.
Во југозападните делови ќе има слаб локален дожд, а во Пелагонија ќе има услови за замрзнат дожд. Ќе дува слаб јужен ветер. Максималната температура ќе се движи во интервал од -2 до 10 степени.
Во наредниот период ќе преовладува облачно време со слаби локални врнежи од дожд, а на планините од снег. По одделни котлини ќе има појава на магла, а повеќе сончеви периоди ќе има во сабота. Пообилни врнежи се очекуваат во вторник.
