Драгана Мирковиќ на својот „Инстаграм“ профил откри дека познатата холивудска ѕвезда стана дел од тимот „Дон“.
Под регистарските таблички на кои пишува „Дон“, многу познати личности купиле автомобили од компанијата на сопругот на пејачката.
На таа листа се и придружи Жан Клод Ван Дам. Односно Мирковиќ објави фотографија на која се гледа како актерот стои покрај автомобил со ознака „Дон“, па дали го купил или ќе го купи автомобилот не знаеме.
За потсетување, Драгана и холивудската ѕвезда се многу добри пријатели.
На почетокот од годинава фолк пејачката Драгана Мирковиќ одлучи да ја прифати поканата на популарниот холивудски актер Жан Клод Ван Дам и да отпатува во Лос Анџелес заедно со сопругот Тони и со децата Марко и Мануела.
Славниот актер се покажа како одличен домаќин, кој на сите начини настојува да ги запознае со тајните на Лос Анџелес, носејќи ги на прошетки и вечери во друштво на славните личности со кои приватно се дружи.
„Воодушевена сум од гостопримството и од многубројните уметници со кои се запознав и кои потврдија дека најголемите ѕвезди се едноставни и пријатни луѓе кога не работат и кога се дружат со пријателите“, ги пренесе своите импресии фолк-пејачката.
