Секоја постапка на овој хороскопски знак е добро испланирана. Нему можете во целост да му верувате. Се работи за Бикот.
Биковите имаат одлично паметење, но не се злопамтила. Доколку им згрешите нешто ќе се однесуваат кон вас со резерва и дистанца. Сепак, кога ќе се врзат за вас и ќе ве засакаат- подготвени се се да направат за вас. За Бикот успешна релација е постигната дури тогаш кога ќе стекне целосна доверба во вас и ќе му докажете дека стоите зад своите зборови.
Тој никогаш не игра игри и се грижи за туѓите емоции, па затоа од него можете да очекувате искрено мислење. Кога Бикот ќе утврди дека може да ви верува, со драга волја ќе ви се довери, а вашите тајни никому и никогаш нема да ги пренесе.
Биковите секогаш ги исполнуваат своите ветувања и сите задачи, а односите со блиските ги сметаат за сериозни и значајни, па истото тоа ќе го очекуваат и од вас.
