Секој знак од зодијакот има свои негативни но и позитивни страни. Но, на еден од нив е скоро невозможно да му се припише и една лоша особина бидејќи едноставно зрачат со позитива, а својот оптимизам со леснотија го пренесуваат и на сите околу себе.
Станува збор за Стрелците.
Тие се родени оптимисти, лицата во овој знак најчесто се неустрашиви и се водат со мотото дека е можно да се оствари се што ќе се посака ако за тоа се потрудите, па лицата родени во овој знак најчесто се и многу успешни. Нивниот неограничен оптимизам ги поттикнува лесно да преминат преку сите препреки кои ќе им се најдат на патот кон остварувањето на целите, што ги прави и одлични мотиватори за другите.
Поради сето наведено Стрелците се и одлични љубовни партнери бидејќи својата позитива ја пренесуваат и на врската, а ќе направат се што можат (и не можат) нивната сакана/сакан да биде постојано среќен.
Општи карактеристики за стрелец
Ведрите стрелци се управувани од Јупитер – најголемата планета од сончевиот систем. Во древната римска митологија, Јупитер е водич на Боговите. Јупитер е „веселата“ планета полна со енергија и доверба. Многу често стрелците ги примаат карактеристиките на Јупитер.
Ако вашиот хороскопски знак е стрелец, вие имате слободен дух, оптимисти сте, секогаш отворени за нови идеи и амбициозни. Вашата најголема цел е да ја откриете смислата на животот и многу често ја барате во филозофијата и религијата. Мудри сте и не сакате да следите точно определени цели, планирани со време. Сакате да бидете слободни за да може да го правите она што го сакате без никакви ограничувања. Независни сте, но многу често сте агресивни и импулсивни. Понекогаш таа ваша желба за слобода ве прави егоисти.
Стрелецот е спротивен знак на близнаци. На близнаците им се допаѓа да научат различни работи наеднаш, додека вие како стрелец преферирате да навлезете длабоко во темата која сте ја избрале. Карактеристичен за вас е големиот оптимизам, а вашата вера дека секогаш е добро да се направи чекор напред ви дава можност да напредувате. Тоа пак од своја страна понекогаш ве прави и пребрзани и невнимателни.
