Премиерот Зоран Заев денеска беше прашан колку спортува, на што тој искоментира дека сака повеќе да вози мотор и дека нема толку време за активно да се рекреира.
– Имам многу малку време, но и покрај тоа го користам. В недела возам мотор, а во Скопје во четврток играм фудбал со министрите, но не сум редовен. Се надевам дека во иднина ќе имам повеќе време за спортување за да бидам подобро подготвен за секојдневните активности – рече Заев на одбележувањето на Меѓународниот ден на спортот за развој и мир што се одржа денеска во Струмица, пренесе Фактор.
Заев додаде дека досега владата има обезбедено шест милиони евра преку ваучерскиот систем за помош на спортот и дека насекаде ќе се распределуваат рамноправно овие средства за клубовите и младите и дека целта е од сегашните пет илјади ученици кои спортуваат бројката да се зголеми на 50 илјади.
Инаку оваа година ќерката на премиерто, Александра е матурантка, а неодамна таа се фотографираше за табло, па фотографијата ја постави на социјалните мрежи. Пријателите и следбениците на Инстаграм и честитаа, но и дадоа и безброј позитивни коментари за нејзиниот изглед.
