На австралискиот милионер Метју Лепре, кој неодамна објави конкурс за личен асистент кој со него ќе патува низ светот и за тоа ќе добие плата во износ од околу 4.000 евра му пристигнале дури 40.000 апликации, а помеѓу нив, верувале или не, имало и понуди за брак.
“Најдобрата работа на светот“ го привлече вниманието на голем број кандидати ширум светот, а како што пишува “The Sun“, Метју вели дека досега пристигнале десетици илјади апликации, како и голем број романтични понуди.
-Добив повеќе од 40.000 апликации од целиот свет, а дури 75 проценти од кандидатите се жени. Некои од нив ми понудија и брак, вели Метју.
Тој додава дека мноштвото “милениумци“ преку еден ваков оглас сакаат да избегаат од секојдневната рутина.
Овој 26-годишник го направил своето богатство откако на 23 години ги напуштил своите студии и започнал сопствен бизнис. Денес заработува околу 120.000 евра месечно.
Работа од соништата во Шведска: 2.000 евра месечно за речиси ништо
Речиси секој сонува за совршената работа – да правите нешто што ви причинува задоволство, а коешто ви носи доволно заработка за да живеете среќно. Дали мислите дека тоа е невозможен сон? Изгледа дека не е. Сега секој има добра шанса да ја добие оваа одлична работа.
Во 2017-та година, шведските артисти Џејкоб Голдин и Сајмон Сенеби создале необичен експеримент наречен „Eternal Employment“ (Вечно вработување). Тие најмуваат личност за целиот живот, а оваа личност не треба да прави ништо.
Најважното што треба да го направи „вработениот“ е секој ден, во одредено време, да дојде на железничката станица Корсваген. Оваа станица ќе биде отворена во Гетеборг во 2026-та година. Вработениот ќе може да прави што било за време на работниот ден, а во описот на работното место нема никакви должности или обврски. Договорот е за полно работно време, на неопределено време, има добра плата и гарантирано унапредување секоја година. Исто така се вклучени слободни денови, одмор и пензија.
Доживотната плата ќе се исплаќа од посебен фонд кој го направиле самите уметници. Засега во фондот има околу 650.000 евра, а сумата ќе продолжи да се зголемува. Целта на овој проект е да се направи жива легенда која ја илустрира поврзаноста помеѓу секојдневниот живот на личноста и неопипливите трансакции на глобалната економија. Можете да аплицирате за работното место на 15-ти декември, 2025-та година.
Би сакале да работите нешто вакво?
