Девојка целосно си го промени начинот на живот и изгледот поттикната од желбата да го носи фустанот од соништата на својата матура. 18-годишната Австралијка која некогаш тежела 127 кг, сега има 60 кг и се обидува да инспирира и други лица да го следат нејзиниот пример, бидејќи „секој заслужува да биде среќен“.
Пред две години, Џоси Десгранд тежела 127 килограми и честопати била исмејувана поради тежината, што ѝ ја намалило самодовербата. Таа се чувствувала најлошо кога ги гледала фотографиите на слабите и среќни модели на Instagram.
Еден ден, смелата девојка одлучила да преземе екстремни чекори за воспоставување подобар животен стил и добивање на фигурата која долго време ја посакувала.
„Отидов во мојата соба и се соблеков по долна облека. Си реков: ‘Нема повеќе да бидам дебелата Џоси’. Се фотографирав од различни агли, возбудена поради моето следно патување кон послаба фигура. Ги запишав моите димензии, знаејќи дека патот пред мене е долг, но сакав да ја запишувам секоја промена, независно колку е мала“ – рекла таа.
Џоси целосно го стопирала консумирањето шеќер, го намалила консумирањето на јаглехидрати, а го зголемила консумирањето вода. Исхраната во најголема мера ѝ се состоела од зеленчуци и месо, а овошје консумирала само три парчиња неделно.
Само во првите 12 месеци од трансформацијата, Џоси намалила 63 килограми и ја постигнала својата цел да го облече фустанот од соништата за матурата.
„Никогаш повеќе во мојот живот не сакам да допрам чоколадо! Тоа е мојот избор. Да живеам здрав начин на живот е најдобрата одлука која некогаш сум ја направила. Со 60 килограми помалку се чувствувам неверојатно“ – вели 18-годишната девојка.
.Уште од почетокот на трансформацијата, мотивираната девојка започнала да објавува фотографии од прогресот на Instagram и брзо изградила мрежа од илјадници следбеници. Тоа ја мотивирало уште повеќе.
„Луѓе од целиот свет ме следеа на моето патување, па никогаш не помислив да се откажам“ – рекла таа.
