Телеметриската сеизмолошка мрежа на Република Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје, утринава во 03 часот и 11 минути регистрирше земјотрес, чиј епицентар се наоѓа 150 km југоисточно од Скопјe и потекнува од дојранското епицентрално подрачје., информираат од Сеизмолошка опсерваторија.
Неговата Рихтерова магнитуда изнесува 2.8, а беше почувствуван од населението во Дојран, Гевгелија и околината со интензитет од III степени според Европската макросеизмичка скала.
Изминативе неколку дена земјотрес беше забележан и според телеметриската сеизмолошка мрежа на Република Македонија, со станици во Скопје, Валандово, Охрид,Штип и Пехчево, одржувана од Сеизмолошката опсерваторија при Природно-математичкиот факултет во Скопје, (18.4.2019 година) во 13 часот и 3 минути регистрирше слаб земјотрес, чиј епицентар се наоѓа 140 km југоисточно од Скопјe и потекнува од гевгелиското епицентрално подрачје.
Неговата Рихтерова магнитуда изнесува 2,1, а беше почувствуван од населението во Гевгелија и околината со интензитет од III степени според Европската макросеизмичка скала.
