Интересна случка имала една жена од Кина која ја пренесуваат кинеските медиуми. Имено, жената била во продавница за миленици и купила јапонски шпиц за 150 евра (околу 9000 денари).
Но, како минувало времето и нејзиното милениче растело тоа не наликувало на куче. Никогаш не лаело и многу пораснало. За некое време престанало да јаде и од кучешката храна.
Крзното му станувало подебело, а опашката подолга, па девојката со причина помислила дека нејзиното милениче е поинакво.
Тогаш жената по име Ванг отишла до зоолошката градина да се консултира со тамошен стручњак.
Нејзините сомнежи се покажале оправдани бидејќи на крај дознала дека наместо куче купила – лисица.
Во локална продавница со домашни миленичиња на Ванг наместо куче и продале лисица, а таа сега ќе ја подари во зоолошката градина како би живеела во природно опкружување.
Куче херој се врати дома со порака на вратот што ги изненади сопствениците
Луи е куче старо 12 години кое исчезнало од својот дом. Неговото ненадејно заминување од домот ги вознемирило неговите сопственици, но во вечерните часови се покажало дека немале причина за грижа. Бидејќи нивниот миленик всушност бил во акција на спасување.
Се вратил во својот дом во доцните часови. Изгледал исцрпено и едвај дочекал да легне во својата куќичка. Сопствениците го погледнале со загриженост, а потоа забележале на неговото ремче закачена порака, по која сè им станало јасно.
На пораката пишувало дека Лиу всушност ја спасил кучката на нивните соседи, Меди. Кога забележал дека таа е во неволја, застанал пред домот на соседите и упорно се обидувал да им го сврти вниманието и да ги однесе до местото на кое што се наоѓала Меди. Луи успеал да го однесе соседот кај неговиот миленик, кој бил затрупан со гранки и не можел да излезе.
Со заеднички сили, Луи и соседот успеале да ја спасат Меди. По храбрата акција Луи бил награден и добро нахранет, по што бил вратен кај сопствениците со пораката за благодарност.
