На втората полуфинална вечер на „Евровизија“ настапи и Тамара Тодевска под реден број 17.
Таа се претстави со песната „Proud“, а нејзината моќна и емотивна изведба и овозможи пласман во финалето кое ќе се одржи во сабота.
Македонската јавност ја подржа Тамара и доби многу пофалби и убави коментари.
Меѓутоа, таа добива и позитивни коментари од цела Европа и од соседството.
Медиумите во регионот пишуваат само убави зборови за нашата претставничка.
„Сестрата на Тијана Дапчевиќ ја претставуваше Македонија на Евровизија, а еден детаљ ги разнежи сите“,
„Сестрата на Тијана Дапчевиќ пееше со солзи во очите: Тамара Тодевска ја претстави својата земја на Евровизија со многу силна емоција“,
„Фотографија која воодушеви: Сестрата на Тијана Дапчевиќ на Евровизија имаше посебна порака, а овој гест по настапот предизвика силен аплауз“, се само дел од насловите кои се најдоа во вестите на регионалните медиуми.
За потсетување, Тамара ќе настапи под реден број 8 во сабота во финалето на Евровизија.
Нашата пејачка добива поддршка од цела Европа, како од нејзините фанови, следбеници, јавни личности…
Нејзините колеги, колешки преку социјалните мрежи дадоа поддршка на нашата претставничка, а моделот Катарина Ивановска замина во Израел да ја бодри нејзината пријателка.
Тијана Дапчевиќ, Калиопи, Каролина Гочева, Елена Ристеска, Викторија Лоба, Марјана Станојковска, Ване Марковски, Кристина Арнаудова, Сања Лефкова, Лила Филиповска, Ања Ветерова, Сања Цинцева Барби, Велков Снеже, Сања Николиќ, Игор Џамбазов, Миа Костова, Ружива Антиќ, Аделина Тахири се само дел од македонските јавни личности кои се сплотија и дадоа поддршка на Тодевска.
Меѓутоа, поддршка и бодрење пристигна и од соседството односно од Србија.
Еден од најдобрите вокали, пејачката која успеа да и донесе победа на Евровизија на Србија, Марија Шерифовиќ и даде поддршка на Тамара.
Прво, на „Инстаграм стори“ ги објави броевите за гласање, а потоа сподели дел од изведбата и во описот стави аплауз и истакна „браво Тамара“.
Од друга страна, Јелена Карлеуша исто така следеше Евровизија со нејзините ќерки, па кога ја праша ќерката која е победник, таа одговори „таа“ покажувајќи го настапот на Тамара.
Од друга страна, пред самиот почеток, Наташа Беквалац на социјалните мрежи ги сподели броевите на кои може да се гласа за нашата претставничка.
Дали „Proud“ ќе и донесе победата на Македонија или пак оваа година најдобро ќе се пласираме, останува да следиме во сабота.
Секако, ние имаме на што да бидеме горди.
