Џеф Безос е најбогатиот човек на светот. Тој е “тежок” околу 155 милијарди долари, што значи дека е 55 милијарди побогат од следниот на листата, Бил Гејтс.
Иако годишната плата на Џеф Безос изнесува “само” 81.840 долари, поголемиот дел од неговото богатство произлегува од неговите акции на Амазон.
“Business Insider” создаде листа од неколку неверојатни факти за милијардерот, а дел од нив навистина ќе ве остават без текст.
1.“Тежок” е 155 милијарди долари иако годишно заработува “само” 81.840 долари.
2.Во секунда заработува околу 2489 долари, што е речиси двојно повеќе од неделната заработка на просечен американски работник.
3.По разводот од сопругата Мекензи, поради што се откажал од 25% од заедничките акции на Амазон, Безос и понатаму ја задржува положбата на најбогатата личност на светот.
4.Безос е толку богат што кога ќе потроши 1,2 милиони долари, тоа е еквивалент на тоа еден просечен Американец да потроши еден долар.
5.Речиси е 38 отсто побогат од британското кралско семејство.
6.Вредноста која ја има е еквивалентна на целиот бруто домашен производ на Ангола.
7.Нето вредноста на Безос е поголема од бруто домашниот производ на Исланд, Авганистан и Костарика – заедно.
8.Според податоците на американскиот “Social Security Administration”, просечниот Американец со диплома заработува околу 2,2 милиони долари во животот, а Безос ја заработува истата сума за помалку од 15 минути.
