Дизниленд во Париз бара нови принцеви и принцези да работат во нивниот парк од соништата ова лето. Потребни им се околу 50 нови луѓе да ја глумат Пепелашка, Елса, Бел и други омилени јунаци од цраните филмови, не само принцези, туку и принцеви.
Две одделни аудиции ќе бидат одржани на 8-ми јуни и ќе траат цел ден.
Првата аудиција е за мажи и жени кои личат на цртаните ликови, а за нив постојат многу јасни услови по прашање на висината. Тие ќе бидат измерени по доаѓањето на аудицијата.
Жените мора да бидат високи од 160 до 173 сантиметри и мора да бидат „елегантни и без видливи тетоважи“.
Мажите мора да бидат високи од 160 до 183 сантиметри, да бидат видливо „мажествени“, но исто така да немаат видливи тетоважи.
И за оние кои се превисоки или имаат тетоважа на вратот, има надеж. Можат да се пријават за статисти на парада или персонал кој ги дочекува и поздравува посетителите.
За парада е потребно да имате основно знаење за танц.
„Бараме ентузијасти и многу енергични луѓе кои ќе настапуваат како Дизни ликови или на парада. Ако сонувате за тоа да го глумите познатиот Дизни или Марвел јунакот, или пак да учествувате во нашата прекрасна парада, јавете нѝ се“, стои во описот на работата.
Оние кои ќе се пријават за аудицијата (деталите можат да се најдат на сајтот на Дизниленд), треба да се појават без шминка. Работата се нуди на најмалку три месеци, а кандидатие мора да зборуваат англиски или француски.
