Мајката на Пино Секондо, Маја, е скршена од болка и гневна за правда за нејзиното дете.
Таа се огласи на Фејсбук и распали по властите и по државата.
Нејзиниот статус може да го прочитате ОВДЕ.
Додава дека го намамила со зборовите ” Дојди, Дојди кај мене имам изненадување за тебе”.
Инаку, мајката на Пино Маја Трпковска со месеци бараше помош од МВР и водеше битка со институциите за пронаоѓање на нејзиниот син, кој го пријави за исчезнат на 11. декември минатата година.
Министерството за внатрешни работи соопшти дека е поднесена кривична пријава за две лица, осомничени за Пинета Секондо.
Единица за насилен криминал при СВР Скопје денеска до надлежното Основно јавно обвинителство во Скопје, поднесе кривична пријава против Ф. А. (27) и А. Ѓ. (22), двајцата од Скопје, за сторено кривично дело предвидено и казниво по член 123 од КЗ на РСM, соопшти вечерва полицијата. Како што се појаснува, се работи за лишување на Пинета Секондо, кој на 11 декември 2018 година од страна на неговата мајка, бил пријавен за исчезнат во ПС при СВР Скопје.
На 29.04.2019 година во Единицата за известување и команда при СВР Скопје од страна на граѓанин пријавено е дека на место викано Башинец во атарот на село Љуботен е пронајден покриен со камења. По преземени оперативно тактички мерки дојдено е до сознание дека извршители се наведените лица, по што е добиена Наредба за претрес во дом и други простории од Основно јавно обвинителство Скопје и извршен е претрес во домовите на пријавените како и на уште две лица, роднини на првопријавениот. Во домот на првопријавениот пронајдени се СИМ картици, лични документи, мобилен телефон, УСБ, мемориска картица, една фантомка и возило Опел Аскона. По Ф.А. распишан е централен распис. На 30.05.2019 година второпријавената А.Ѓ. е лишена од слобода во просториите на СВР Скопје, се наведува во соопштението од МВР.
Осомничениот, 27-годишен жител на Скопје, делото од член 123 став 1 од Кривичниот законик го сторил на 11 декември 2018 година, околу 2 часот, откако претходно се сретнал со Пино. Тие заедно со патничко моторно возило „опел аскона“ пристигнале во атарот на село Арачиново во Скопје. По стореното дело, во обид да се скријат трагите, Пино бил пренесен во село Љуботен, каде е оставен во дупка и покриен со ќебе. Осомничениот се дал во бегство и во моментов е недостапен за органите на прогонот.
Ценејќи дека се исполнети законските основи, надлежниот јавен обвинител до Основниот кривичен суд Скопје достави Предлог за определување на мерката притвор против осомничениот.
