Во полуфиналето на „Пинкови ѕвездички – аll stars“кое се одржа во петокот, настапи и македонската пејачка Антониа Гиговска. За време на нејзиниот настап, Антониа се сопна од танчарката и падна на сцената, но како вистински професионалец стана и продолжи да пее. Видоеото од нејзиниот настап стана популарно во регионот.
Антониа за „Женски магазин“ го прокоментира паѓањето на сцената.
„Супер сум, иако не очекував дека тоа ќе се случи. Среќна сум што паднав. За секое падни, има и стани. Како во животот, така и во кариерата“, изјави Антониа за Женски магазин.
„Паднав бидејќи тргнав наназад. Среќа е што паднав врз играчите и не се повредив. Благодарам на танчерката која исто така беше професионална и продолжи да игра како ништо да не се случило. Да паднев на сцената сигурно ќе се повредев“ вели Антониа за „Блиц“.
Гиговска успеа да се пласира во финалето, а како ќе изгледа нејзиниот настап останува да видиме.
