Сообраќајот на државните патишта се одвива по суви коловози со зголемен интензитет на патните правци надвор од градските средини. На граничните премини од македонска страна, нема подолги задржувања за влез и излез од државата освен на ГП Богородица и Табановце каде времето на чекање е околу 30 минути, информираат од АМСМ.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Внимавајте ако летувате во Грција: Сообраќајната полиција ја засилува контролата- ќе се пишуваат повеќе казни
Во Грција во последниве години полицијата ги симнува регистерските таблички од автомобилите што се погрешно паркирани. Тоа важи и за Грците и за странските државјани и туристи.
Ова вообичаено се случува во Солун, на Тасос, Халкидики, но и на островите. Казната за непрописно паркирање во Грција изнесува од 40 до 80 евра, но повеќе не постои можност да се плати половина од казната ако тоа се направи веднаш на лице место.
За странските државјани казната е симнување на регистерските таблички кои потоа се враќаат штом се плати казната. Грците, пак, може да останат без таблички и до три месеци, плус да ја платат казната.
Доколку вакво нешто му се случи на странец во текот на викендот, ќе мора да се чека до понеделник кога работат полициските станици за да му бидат вратени табличките и да ја плати казната.
Според новиот ригорозен закон што во Грција важи од лани, табличките се враќаат по плаќање на казната за непрописно планирање, а возачот добива и забрана за управување на возилото одредено време. На странските државјани забраната за управување завршува оној ден кога ќе ја напуштат територијата на Грција. Тогаш им се враќаат табличките.
Дополнително, грчкото МВР во повеќе наврати во текот на оваа година апелираше дека ќе ги засили полициските контроли на автопатиштата за да се спречи возење со брзина поголема од дозволената.
