Вечерва во почеток во 21.00 часот во МНТ, ќе се одржи големото финале од „Мел Фест талент шоуто: Ѕвезда број 1“, кое ќе се емитува на “1 ТВ”. Едно од изненадувањата за оваа вечер, како што беше најавено вчера на „1 тв“, е Тамара Тодевска која ќе се придружи на самото жири, но не се исклучени и други изненадувања. Жирито пак, во состав Пеце Стоикоски, Елена Петреска, Бане Поповиќ, Вања Тодоровска, Александар Масевски и Сергеј Варошлија имаа тешка задача од сите пријавени кандидати да ги изберат најдобрите 12 таленти кои оваа вечер ќе понудат грандиозно финале. Јована Здравевска, Зоран Милорадовски, Славица Ангелова, Марија Цветаноска, Милица Трајкова, Александра Трајческа, Сабина Мустафче, Кристијан Марковски, Сара Гигова, Ангела Илиева, Анастасија Аврамоска, Барбара Ракичевиќ, се финалистите кои ќе се борат за договор со „Арт 10 продукција“ и стан во Скопје.
