Грција се подготвува за нова бура, a вчера се регистрирани повеќе од 3.500 молњи.
Над 3.500 молњи во текот на вчерашниот ден се регистрирани низ цела Грција. Невремето „Адиносос“ коешто ја зафати земјата се очекува да продолжи до среда. Органите за заштита и спасување го проследија предупредувањето од метеоролозите дека бурата што доаѓа се очекува да биде проследена со силен ветер, обилен дожд и грмежи.
Минатата недела имаше силно невреме во Грција, а неколку дена по него сликата во Грција е веќе поразлична.
Грците многу професионално и одговорно реагираа, така што моментално никаде нема штети, а тоа надjобро се забележува во пимерот со Порто Карас.
Хотелите на Халкидики поминаа без поголеми материјални штети за време на невремето кое во средата навечер ги погоди најпопуларните летувалишта на Касандра и Ситонија.
Министерот за туризам во Грција, Харис Теохарис, изјавил дека нема причина за грижа ниту пак постои можност да се повтори вако невреме.
Најдобриот доказ за тоа е популарниот хотел Порто Карас кој го преживеа невремето без поголеми последици, што може да се забележи и на фотографиите во продолжение.
Како што изјавиле од Грција, надлежните служби таму веднаш реагирале и ги санирале сите проблеми кои се појавиле во текот на невремето.
„Нема никаква причина туристите кои треба да дојдат да ги откажат своите аранжмани ниту пак да ги одложуваат. Зградите не претрпеа никаква штета, материјалната штета најмногу беше направена по улиците и плажите, но тоа веќе сериозно се решава и се расчистува“ – изјавиле од таму.
