Речиси секој Балканец сигурно барем еднаш од страна на своите родители ја слушнал добро познатата реченица: “Тебе ти е тешко да станеш за на училиште, а јас во мое време сум пешачел 20 километри по снег до колена”.
И додека ваквата реченица нам нѝ звучи интересно, во некои земји ваквото сценарио е вистинито. На социјалните мрежи се појавија фотографии од еден основец кој на патот кон своето училиште секојдневно се соочува со сериозни препреки за навреме да стигне на настава.
Имено, на патот помеѓу неговиот дом и училиштето се наоѓа река на која нема мост, поради што секој ден ова дете влегува во пластична вреќа преку која неговиот татко го пренесува од еден брег до друг, а сè со цел детето да пристигне на настава суво и чисто.
Gepostet von Thinking Humanity am Freitag, 5. Juli 2019
Како што пренесуваат локалните медиуми, тој внимателно го сместува детето во вреќата, по што влегува во вода и трпеливо го остава на другиот брег. Истата постапка ја повторува и во текот на враќањето на детето од училиштето.
Gepostet von Thinking Humanity am Freitag, 5. Juli 2019
На овој начин, тој но и многу други деца во Виетнам секое утро пристигнуваат на настава во точно време.
Гестот на овој татко ги воодушевил корисниците на социјалните мрежи, а повеќето кои ја виделе објавата навеле дека се надеваат дека детето знае да го цени трудот на неговиот татко кој секое утро се погрижува тој да пристигне на настава и да се образова.
