Нареден петок неработен за сите граѓани на Македонија, ќе имаме уште еден споен викенд.
Согласно Законот за празниците на Република Македонија (“Службен весник на РМ”, бр.21/98 и 18/07), 2 август 2019 година (петок), Денот на Републиката, е неработен ден за сите граѓани на Република Македонија, информира Министерството за труд и социјална политика.
Министерството на сите граѓани им го честита Денот на Републиката.
Ова се неработните денови до крајот на годината:
За сите граѓани на РМ: 02 август (петок), Ден на Републиката, 08 септември (недела), Ден на независноста, односно 09 септември (понеделник) е неработен ден, 11 октомври (петок), Ден на народното востание, 23 октомври (среда), Ден на Македонската Револуционерна Борба и 08 декември (недела), „Св. Климент Охридски“ односно 09 декември (понеделник) е неработен ден.
За граѓаните од православна вероисповед: 28 август (среда), Успение на Пресвета Богородица (Голема Богородица). За граѓаните од католичка вероисповед: 01 ноември (петок), Празникот на сите светци и 25 декември (среда), првиот ден на Божик. За граѓаните од муслиманска вероисповед: 11 август (недела), Курбан Бајрам, првиот ден на Курбан Бајрам. За граѓаните припадници на албанската заедница во РМ: 22 ноември (петок), Ден на Албанската азбука. За граѓаните припадници на еврејската заедница во РМ: 09 октомври (среда), Јом Кипур, првиот ден на Јом Кипур. За граѓаните припадници на бошњачката заедница во РМ: 28 септември (сабота), Меѓународен ден на Бошњаците. За граѓаните припадници на турската заедница во РМ: 21 декември (сабота), Ден на настава на турски јазик.
