Ако во ноември 2018 аплициравте за зелена карта, сега можете да проверите дали сте извлечени
Американскиот Стејт департмент ги објави резултатите од американската лотарија за зелена карта. Од речиси 15 милиони апликанти кои се пријавиле за американска виза, по случаен избор се избрани речиси 84.000 лица кои ќе бидат вклучени во програмата “ДВ 2020“.
Според бројот на оние кои добиле позитивен одговор, на прво место е Русија со 5.118, а веднаш зад неа е Албанија со 3.603. Потоа следуваат Украина со околу три илјади и Турција со 2.709.
Од земјите во регионот, во програмата се вклучени 260 граѓани од Косово, 249 од Македонија и само 35 од Црна Гора.
Доколку во ноември 2018 сте аплицирале за зелена карта, на овој линк можете да проверите дали сте извлечени.
УЈП РАСПРОДАВА: Автомобил за 680 евра, комбе за 975 евра, камион за 1.365 евра…
Управата за јавни приходи и овој месец ќе одржи јавна аукција на која ќе се распродаваат запленети предмети од даночни обврзници.
На листата има најразлични предмети, како што се моторни возила, товарни возила, телевизори, компјутери, машини и друго.
Од автомобилите, најниска проценета почетна вредност има Ауди (42.000 денари), комбе Мерцедес (60.000 денари) и камион Фап (84.000 денари).
Почетната цена на предметите варира во зависност од годината на производство, состојбата, употребливоста и слично.
Преку веб порталот http://e-aukcii.ujp.gov.mk може да ги погледнете активните аукции, а на ЛИНКОТ може да направите преглед на предметите кои ќе се распродаваат на 22.08.2019.
