Македонската театарска, филмска и телевизиска актерка Јелена Јованова, независно дали е во улогата на Јелена од Драчево, Милена од „На терапија“, Марина од „Тајни“, таа едноставно е миленичка на гледачите.
Сепак, кога е рецепционерката од „Преспав“, тогаш умее да изнуди најмногу насмеани лица пред ТВ екраните, а мора да се согласите дека кастингот не можел да биде подобар кога е во прашање улогата на Јелена и начинот на кој таа го носи ликот пред камера.
ФОТО:ЈЕЛЕНА ЈОВАНОВА/ИНСТАГРАМ
За приватноста на убавата и успешна македонска актерка со хрватска адреса, е познато дека таа пред четири години се омажи со својот колега Стјепан Периќ, а нивната љубов се роди за време на снимањето на серијата „Тајни“.
Дека љубовта беше и повеќе од вистинска, потврди и нивната венчавка која се случи во Загреб без многу помпа.
Дури по неколку години Јелена на својот профил објави фотографии од венчавката на кои е прекрасна невеста во едноставна венчаница.
ФОТО:ЈЕЛЕНА ЈОВАНОВА/ИНСТАГРАМ
Деновиве пак, по повод годишнината од бракот, таа објави досега нвидена романтична фотографија од венчавката каде младите се топат во својот поглед.
ФОТО:ЈЕЛЕНА ЈОВАНОВА/ИНСТАГРАМ
Дали ваква романтична сцена ќе доживее и Јелена од Драчево во четвртата сезона на „Преспав“ и конечно ќе и се исполни желбата да се омажи, останува да видиме…
