„Те сакам“ е едноставна и кратка реченица, но многу моќна. Не може секој да ја изговори оваа реченица толку лесно, но секој сака да ја слушне, а погледнете на кои хороскопски знаци им е најтешко да речат „те сакам“.
1. Близнаци
На личностите родени во овој хороскопски знак им е потребно долго време за да се препуштат во новата врска и отворено да ги изразат своите чувства. Близнаците се љубопитни личности и многу често размислуваат дали за нив постои некоја подобра личност и поради тоа им е тешко да влезат во сериозна врска. Овие личности изговараат „те сакам“ само кога целосно ќе се посветат на партнерот и ќе сфатат колку навистина им значи.
2. Девица
Припадниците на овој хороскопски знак во себе ја носат вродената потреба сè да биде совршено, вклучувајќи ја и врската. Девиците се перфекционисти и постојано ги преиспитуваат своите чувства. Ако сметаат дека нешто не е во ред во врската, овие личности ќе се воздржат од изјавување љубов додека не биде сè така како што тие мислат дека треба да биде.
3. Скорпија
Скорпиите не сакаат промени и претпочитаат долги врски. За овие личности важи правилото да останат со партнерот и во добро и во зло. Но, иако Скорпиите уште од почетокот се посветени на љубовната врска, тие ќе речат „те сакам“ само кога ќе бидат 100 % сигурни дека врската е сериозна и стабилна затоа што не сакаат однапред да покажат ранливост и да бидат повредени.
4. Водолија
На личностите родени во овој хороскопски знак им треба многу слобода и простор во врската. Водолиите често претпочитаат нетрадиционални врски и ретко изјавуваат љубов затоа што сметаат дека на тој начин ќе создадат обврски за кои не се подготвени. Тие се подготвени да ја жртвуваат својата слобода само за личноста што ќе им овозможи да бидат такви што се. Само тогаш овие личности ќе се отвораат емотивно, целосно ќе се предадат на врската и ќе изговорат „те сакам“.
