|
Српската пејачка Наташа Беквалац заедно со Весна Дедиќ и Јелена Бачиќ – Алимпиќ, на 27 ноември во хотелот „Александар Палас“ во Скопје ќе бидат специјалнигостинки на регионалната конференција за жени „Профемина“.
Новосадската барбика за прв пат пред македонската публика јавно ќе зборува покрај професионалните успеси и за сето она што и го обележало нејзиниот приватен и брачен живот, личните емотивни подеми и падови.
Пред посетителите во хотелот „Александар Палас“ ќе ја открие и тајната на својот младешки изглед, својата рутина за нега и разубавување, начинот на исхрана и живот.
Покрај овие познати дами од соседството, учество на конференцијата ќе земат и голем број на познати и еминентни имиња од домашната јавна сцена.
