Дарко – Спејко одново е во акција. Љупка Митрова е оддамна зад него, како и авантурата од кусиот престој во новата сезона на реалното шоу „Задруга 3“. Но, кумановскиот заводник како да не може да живее без реално шоу… Или барем без некоја од учесничките во него.
Затоа Спејко им се врати на спомените од времето на „Големиот брат“. Ама Спејко добро знае дека не се живее од спомени, па затоа место да ги евоцира, спомените одново ги активира, преточувајќи ги во стварност. Во реална дружба со оние кои му останаа во најдраги спомени од времето на „Големиот брат„ – сестрите Тина и Барбара Шегетин.
Со помалата беше во љубовна врска од која излегоа како „блиски пријатели“. Толку „блиски“, што дури и кога беше во зенитот на љубовната идила со струмичката инфлуенсерка Љупка Митрова, Спејко заедносо неа отиде на свадба на Тина Шегетин, каде беше поканет лично од невестата.Откако љубовната бајка со Љупка заврши, осамениот курјак како да талкаше низ лавиринтите самотничкиот живот, па последните фотографии и личностите со кои е сликан на нив наведуваат на помисла дали можеби Спејко ќе им се врати на сестрите од „Големиот брат“?
На постарата Барбара, која ја растури веридбата со мистериозниот маж, јавно и го честиташе 30-иот роденден, претставувајќи ја како вистинска сестра… само од различна мајка! А кога нема крвна врска, може да има се’ друго…!
Помладата, онаа мажената на чија свадба и беше, информациите говорат дека долго не издржала во брак со Црногорецот Раца Јовановиќ и по бројните несогласувања, на нејзина иницијатива се развела од него.
Спејко деновиве постираше уште една фотографија од „танцот на ѕвездите“ во „големиот Брат“, каде токму танцува со тогашната љубов – Тина Шегетин.
Инаку, сестрите шегетин сега живеат слободни и сами во Белград, каде наскоро треба да отворат салон за убавина! А Спејко? Прашање е на која ќе и биде прв муштерија?
