Министерството за здравство информира дека во изминатите 24 часа се регистрирани 49 нови случаи. По градови: Скопје – 13, Куманово – 14, Штип – 6, Прилеп -8, Велес-6, Гостивар -1 и Кочани -1.
Со ова вкупната бројка на дијагностицирани пациенти во нашата земја изнесува 760 лица. Според местото на живеење, досега се регистрирани во: Скопје – 297, Куманово – 182, Дебар – 49, Штип-27, Прилеп –58, Тетово – 31, Струга – 33, Велес – 24, Битола –8, Охрид –4, Кавадарци – 3, Гостивар –7, Гевглелија – 4, Струмица – 2, Крива Паланка-3, Радовиш – 4, Крушево – 3, Кочани – 20 и Пробиштип – 1.
Во изминатото деноноќие направени се 586 теста. Преку ИЈЗ се направени 423, преку Ветеринарен факултет –6, Авицена –15 , Биотек –24 и Фипил Втори (Жан Митрев) –118. Досега во земјата се направени 7.653 тестирања на заболувањето.
Во изминатото деноноќие на Клиниката се примени 3 пациенти, а во моментов се хоспитализирани вкупно 68, од кои 15 се на кислородна поддршка и 8 на механичка вентилација.
Во болницата „8 септември“ се примени 8 нови пациенти, а вкупно се хоспитализирани 28 потврдени и сомнителни на заболувањето. Од нив 9 се со потешка клиничка слика, а 6 пациенти се на респираторна машина.
Во болницата во Битола се хоспитализирани вкупно 5 пациенти, еден пациент повремено на кислородна поддршка, а другите стабилни. На домашно лекување преку оваа болница се следат 7 пациенти кои се во добра општа состојба.
Во болницата во Штип се хоспитализирани вкупно 13 пациенти потврдени и сомнителни на заболувањето, а уште 13 се следат на домашно лекување. Освен една пациентка кај која има влошување на состојбата, сите останати пациенти се стабилни.
Денеска Министерот за здравство Доц. д-р. Венко Филипче нема да одржи прес конференција.
