Работите кои ги правите во ноќта влијаат на вашиот сон.
Спиењето е составен дел на сечиј живот, а претставува процес во кој нашето тело одмара и кој ни два сила и енергија. Стручњаците им препорачуваат на возрасните лица минимално 7 часа сон секој ден.
Сепак, работите кои ги правиме непосредно пред спиење исто така влијаат на квалитетот на нашиот сон, како и на целокупниот наш рганизам.
Еве кои 5 работи не смеете да ги правите ако сакате да бидете здрави и одморени.
Спиење на лице
Важно е пред да потонете во сон, да се потрудите да бидете свртени на грб. Ако спиете на лице, гравитацијата ја повлекува течноста во вашето лице и кожата почнува да слабее. Таа, со текот на времето, побрзо ќе се опушти па така ќе го расипете својот изглед. Затоа секогаш трудете се да спиете на грб.
Не го миете лицето пред спиење
Задолжително е да го измиете вашето лице, пред да си легнете. Во текот на денот, на лицето ви се собираат нечистотии и бактерии кои ги запушуваат порите на лицето, па така вашата кожа не може да дише. Доколку не го миете лицето, тоа побрзо ќе старее, а и ќе имате проблеми со акни и митесери.
Премногу козметички производи
Доколку се навикнавте пред спиење да ставате креми кои ви ја омекнуваат кожата, тоа е сосема океј, но ако претерувате со овие креми, тогаш исто така ги запушувате порите на вашето лице кое нема да може да дише и да се регенерира во текот на ноќта.
Легнувате во кревет жедни
Секоја вечер пред спиење е важно да се испие доста вода, бидејќи вашето тело во текот на ноќта мора да остане хидрирано. Ако легнете жедни, кога ќе се разбудите вашето тело ќе биде исцрпено.
Јадете тешка храна
Мрсната и тешка храна пред спиење воопшто не е препорачлива, поради негативните последици кои настануваат следното утро. Вашето тело цела ноќ ќе ја вари таа храна и така ќе троши енергија, па ќе се разбудите уморни и без енергија.
