Да се има милениче значи да се има пријател, придружник и член на семејството. Сепак, грижата за домашни миленици бара посветеност и вршење на работи како што се одење на ветеринар, купување намирници и слично.
Домашното милениче бара време и внимание на дневна основа и затоа е многу важно да се разгледа животниот век на домашното милениче пред да се донесе одлука да се посвои, пишува „POPSUGAR“.
Хрчак
Просечниот животен век на хрчак е две до три години. Фактори како што се диета, вежбање и квалитетот на грижата, директно придонесуваат за животниот век на хрчакот.
Морско прасе
Овие животни живеат во просек од четири до седум години. Тие треба да бидат добро згрижени, бидејќи вообичаените инфекции можат да бидат смртоносни за нив, особено кога станува збор за респираторни заболувања.
Златна рипка
Кога се чува во здрава животна средина, златната рипка може да живее од пет до 10 години. Важно е тие да пливаат во свежа вода затоа што можат лошо да реагираат по промена на нивото на хлор или на тешки метали во водата.
Папагал
Папагалите живеат во просек од пет до 15 години. Тие се многу паметни животни и треба да се грижите и да создадете пријателски однос со нив.
Куче
Во просек, кучињата живеат седум до 14 години. Многу фактори влијаат на животниот век на кучето, вклучувајќи ја и расата, бидејќи некои раси се по склони на болести од другите.
Зајак
Зајаците живеат во просек од осум до 14 години. Со текот на годините, тие стануваат склони кон болести и губење на апетит.
Мачка
Мачките кои живеат со луѓе во куќата имаат животен век од 10 до 20 години. Од друга страна, мачките кои живеат на отворено, како скитници, имаат просечен животен век од две до пет години. Посвојувањето мачки всушност може да го зголеми нивниот животен век затоа што е помала веројатноста да наидат на предатори или отровни материи.
Желка
Желките можат да живеат од 40 до 50 години затоа што имаат многу бавен метаболизам. Сепак, тие честопати не добиваат доволно грижа во заробеништво за да го живеат животот во потполност.
