Во Грција издадено итно предупредување за делови од земјата кои се погодени од „Медикејн“ невремето. Станува збор за ретка појава во медитеранот а метеоролозите велат – ќе потрае.
На моменти ветрот дува со брзини поголеми од 200 километри на час, проследен со обилни врнежи од дожд и град. Западниот брег на Грција остана без електрична енергија а некои патишта се поплавени, има потонати чамци и паднати дрвја.
Пожарникарите имаат полни раце работа, за краток период имаат преку 60 интервенции главно на испумпување вода од домовите и дуќаните.
Невремето на Пелопонез со име „Јанос“ засега е со помала сила од очекуваното, но можно е да се придвижи кон централна Грција и да биде придружено со обилни дождови.
Во регионот Атика вечерва се очекува нов бран невреме, како резултат на силниот медитерански циклон, кој Грците го нарекоа „Јанос“, и кој веќе ги зафати грчките брегови и особено некои од островите, од каде пристигнуваат прилично драматични слики и снимки.
An impression from the #medicane #Ianos on the Greek island #Kefalonia. This storm made landfall a few hours ago. #Cassilda #Udine pic.twitter.com/gTYrDcWf72
— Klaus Jäger (@the_solartube) September 18, 2020
Западот и југот на Грција се областите кои ќе бидат особено погодени од невремето, за кое претходно беше наведено дека „не се памети вакво невреме досега“.
