Во текот на денешниот ден времето во Македонија ќе биде претежно сончево со мала локална облачност. Ќе дува слаб ветер од променлив правец. Максималните дневни температури ќе се искачуваат во интервалот од 8 до 16 степени.
Во Скопје и околината времето ќе биде сончево и претежно тивко. Максималната температура ќе се искачи до околу 13 степени.
Во текот на следните денови под влијание на стабилна, сува и топла воздушна маса од југ времето ќе биде стабилно, суво и сончево со мала локална облачност. Повремено ќе дува слаб до умерен ветер од северен правец кој Долж Повардарието ќе засилува.
Во утринските часови по одделни котлини ќе има услови за појава на магла и на ниска облачност. Температурите на воздухот и понатаму ќе бележат тенденција на пораст и максималните дневни ќе се искачуваат во интервалот од 13 до 20 степени, што значи ќе бидат над просекот за овој дел од годината.
За нови, детални и по потреба обновени метео информации, следете го официјалниот фејсбук профил на Славчо Попоски тука.
