Ако сте направиле палачинки и ви останала смеса, не ја фрлајте. Има неколку вкусни јадења кои можете подоцна или наредниот ден да ги направите, а никој да не забележи дека се направени од тоа тесто.
Смесата која содржи јајца, млеко и брашно, може да се употреби на разни начини, а ние ви предлагаме две солени и едно благо јадење!
Направете американски палачинки
Тестото за палачинки може да преноќи во фрижидер. Другиот ден додадете му прашак за пециво и уште малку брашно, и испржете мали американски палачинки, совршени за појадок.
Направете уштипци
Додадете брашно и прашак за пециво, малку сол и испржете уштипци и послужете ги со крем сирење, млад кромид или димен лосос.
Испохувајте нешто
Тестото за палачинки е многу слично со традиционалното тесто за похување кое се користи во Британија и ширум Азија. Додадете му малку брашно за да биде погусто, збогатете го со ѓумбир или пиво и испохувајте некое парче риба или месо.
