Потребни состојќи за овој рецепт:
1 шолја Нутела или друг чоколаден намаз, 1 шолја брашно и 1 јајце.
Постапка за приготвување:
Со жица за матење изматете ги Нутелата и јајцето, па постепено додавајте брашно и мешајте додека да се соедини. По желба додадете сечкани јаткасти плодови. Моите имаат ореви, а ставив и една тајна состојка – малку маскарпоне сирење. За целосно совршенство можете да ги полните и со Нутела.
Со лажица црпете од смесата, со раката обликувајте топчиња, сплоснете ги и редете ги на хартија за печење.
Бисквитите печете ги на 180 степени 7 до 10 минути, додека на површината малку да испукаат. Тукушто испечените бисквити се меки, па затоа оставете ги да изладат за да станат крцкави.
И ете, за кратко добивате Нутела бисквити – чудо од три состојки, не може побрзо и поедноставно.
Во продолжение ви предлагаме и уште еден рецепт.
Потребни состојки: 200 г сусам, 1 лажица масло, 200 г бел локум, 200 г желе бонбони или крем бананчиња
Постапка:
Рецептот навистина е многу едноставен. Пропржете 200 г сусам со една лажица масло на тивок оган додека да зарумени, со постојано мешање.
Потоа додадете 200 г бел исечкан лук, па мешајќи изедначете ја смесата.
Ставете фолија на триаголен калап и ставете малку од смесата притискајќи. Потоа наредете 200 г желе бонбони или крем бананчиња.
Преостанатата смеса ставете ја преку желе бонбоните и убаво притиснете и израмнете од сите страни.
