Голем број возачи не се сигурни кој има предност кога ќе се најдат во сообраќаен метеж, особено на крстосница. Може ли да погодите кој има предност на следната крстосница?
На сликата, на која се спојуваат улица со и улица без предност за поминување, сообраќајот е регулиран со сообраќајни знаци. Два автомобила се движат на улицата со предност, од кој едниот (жолт) врти лево, а другиот (син) продолжува право. На улицата без предност се движат трамвај кој продолжува право, полициско возило со ротациони светла кое врти лево и црвен автомобил кој врти лево од спротивната насока.
Кој е вистинскиот редослед на движење на автомобилите на крстосницата?
1. Син, жолт, полиција, црвен, трамвај; 2. Жолт, полиција, син, трамвај, црвен; 3. Полиција, син, жолт, трамвај, црвен; 4. Трамвај, полиција, син, црвен, жолт.
Одговор
Точниот одговор е под број 3. На крстосницата треба прво да помине полицијата со ротационите светла бидејќи има предност пред сите.
Потоа поминуваат возила што се движат на улицата со предност, а тоа е синиот автомобил бидејќи ја задржува насоката на движење, а потоа и жолтиот што врти лево.
Следен треба да помине трамвајот бидејќи и тој ја задржува насоката на движење, но и е шинско возило, а последен поминува црвениот автомобил.
