Сузана Гавазова славеше роденден, а честитки пристигнаа од сите страни. Сите со убави желби, но најубавата честитка за роденден по се изгледа пејачката ја доби од сопругот.
Јасмин на својата сакана Сузе и посака добро утро во трпезаријата, па праша кому тоа му е роденден, носејќи голема црвена кутија во рацете. Откако следуваше честитка и роденденски бакнеж, тој и го даде подарокот од кој Сузе буквално се изненади.
Откако ја отвори кутијата и виде што има во неа, па праша: „Што е ова?“
А во неа имаше спакувано тазе бурек и шише јогурт. Веднаш по ова следеше и уште едно изненадување, овој пат она вистинското.
Голем букет црвени рози, а во него скриено едно мало, но вредно кутивче. Во него беше нешто што веројатно претходно го посакувала, вредно парче накит.
