Јарците се десеттиот знак во хороскопот кој е управуван од Сатурн.
Нивната енергија е чесна и мудра, а Јарците често се сметаат за еден од најнеразбраните знаци. Поради владеењето на Сатурн, тие се карактеризираат со уникатност, искреност и чесност. Често ќе забележите дека родените во овој знак се сериозни личности кои делуваат студено на прв поглед, но тие кријат многу под својата површина.
Јарците се структурирани, традиционални, трудољубиви и посветени и токму поради тоа тие често ненаметливо стануваат лидери на работното место. Некои луѓе ги сметаат за здодевни бидејќи сакаат да ги следат правилата, но Јарците имаат силно развиено чувство за праведност и не сакаат кога нешто не е фер околу нив.
Знаат да бидат многу посветени на работата и сосема да заборават на работите и луѓето околу нив. Во животот често се борат да постигнат баланс меѓу мудроста и сериозноста, но и да научат да се забавуваат без да мислат на последиците постојано.
Освен како лидери, тие се препознаени и како родители во хороскопот. Имаат силно чувство на одговорност, но и грижлива природа. Ако имате проблем, тие воопшто нема да размислуваат дали треба да ви помогнат, туку ќе се трудат веднаш да најдат решение како да го направат тоа. Тие се поврзани и со десеттата куќа на кариера и јавен живот, што значи дека многу претпазливо одбираат какви ќе бидат во јавноста и како ќе се претстават пред другите.
Во љубовта, знаат да делуваат студено на почеток и да не се разбрани од другите, особено од нежните водени знаци, но тие се лојални и посветени партнери. Но, за многу Јарци е тешко да ја најдат вистинската личност не само поради тоа што се перфекционисти туку и затоа што сакаат да се разбрани од другите, а тоа не им оди секогаш најлесно. Најголемиот предизвик со кој се соочуваат е како да се опуштат, но тоа полека го учат со годините. Кога се во врска, ја ценат приватноста и не сакаат јавно покажување љубов или пак грандиозни запросувања. Потребен им е партнер кој е приземјен, лојален и кој не се преправа дека е нешто што не е.
Знаци со кои си одговараат се Биковите, Јарците и Девиците, а одлично би можеле да се поврзат и со Шкорпиите и Раковите. Сепак, врската е осудена на катастрофа доколку се вљубат во Близнаци или Водолија.
Во пријателствата, ги ценат луѓето кои се слични на нив и кои имаат слични вредности. За нив, пријателството е силно ако има реципроцитет и ако добиваат поддршка кога тоа им е најпотребно. Никогаш не би биле пријатели со нестабилни личности и некој кој не го цени нивниот личен простор.
