|
Новак Ѓоковиќ може многу да загуби доколку неговата жалба на одлуката за повлекување на визата биде неуспешна. Како што пренесува „Асошиејтед прес“ доколку судот донесе одлука против него, првиот рекет во светот може да добие забрана за влез во Австралија следните три години.
Практично тоа значи дека тој не би можел да игра на Австралија опен до 2025 година.
„Личноста на која и е откажана визата може да добие забрана за влез во Австралија во период од три години. Се разбира секој случај е различен и секое ново поднесување на виза ќе се разгледува дополнително, но големи се шансите тоа да биде одбивано“, стои во соопштението од граничната служба на Австралија.
Новак веќе четврти ден е во хотел Парк во Мелбурн каде ја чека конечната одлука.
