|
Светската музичка сцена доби уште едно познато име, а тоа е Хајди Клум. Германската манекенка ги здружи силите со американскиот рапер Снуп Дог и диџејското дуо наречено „Weddingcake“, а песната треба да излезе во петок.
Убавицата не крие дека е задоволна од соработката со познатиот рапер, пишува „Дејли мејл“.
– Знаев дека има само една личност со која сакам да пеам. Јас сум голем обожавател на Снуп Дог и мислев дека морам да одам на големо или да си одам дома.
Го контактирав за идејата и на мое изненадување и задоволство ме покани да дојдам во неговото студио. „Понекогаш морам да се погрижам дека не сонувам за ова, бидејќи тоа е навистина остварување на сонот“, воодушевено изјави Клум.
