|
Нискобуџетната компанија Wizz Air потврди дека ги прекинува операциите на релација Охрид – Милано/ Малпенса, јавува специјализираниот портал „Exyuaviation“.
Двата неделни лета беа лансирани во март 2019 година, но беа прекинати во 2020 година поради здравствената криза.
„Визер“ во моментов ги одржува летовите од Охрид до Базел, додека сите други линии се привремено суспендирани.
Во овој момент, операциите кон Меминген и Малме ќе продолжат кон крајот на февруари, додека летовите до Виена, Дортмунд, Фридрихсен и Лондон Лутон треба да бидат обновени во март.
Визер денеска ги прекина и летовите од Скопје кон Барселона и Ларнака.
