Тоше Проески даде неизмерен придонес во музиката, беше врвен човек, а дали знаевте дека за него е направен стрип „Супер Тоше“. Направен е како дел од хуманитарна кампања под слоганот „Суперхерој на хуманоста“.
Борбата со злото, елиминацијата на непријателот и победата на доброто беа главните точки на стрипот „Супер Тоше“, каде главниот лик беше базиран на ликот на Тоше Проески.
„Супер Тоше“ ги има сите доблести и карактеристики што ги имаше Тоше Проески. Стрипот е создаден со цел да се изгради измислен суперхерој кој, се надеваме, ќе биде идол за младите.
– Тоше е идеализиран, но со ова сакаме да им дадеме на младите верба дека доброто може да го победи злото – рече Оливер Ромевски, автор на стрипот „Супер Тоше“ и додаде:
– Неговата работа не беше лесна. Тој го има својот супер глас со кој се обидува да го елиминира злото и да ги победи своите непријатели, меѓу кои беше и господинот Пират, заедничкиот непријател на светот – рече Ромевски.
Самиот Тоше не го криеше задоволството што го доби стрипот.
