Холивудскиот актер Бред Пит наводно е во врска со шведската пејачка Лики Ли, автор на големиот хит „I Follow Rivers“.
Гласините дека 58-годишниот Бред и 35-годишната Лики се „во тајна врска“ започнаа синоќа и покрај тоа што парот никогаш не бил фотографиран заедно.
Шпекулациите ги засили популарната страница за озборувања на Инстаграм „Деукмои“, која тврдеше дека тие двајца се „само пријатели“.
Сепак, извор за „The Sun“ го поврзал парот и тврди дека Лики живее на три минути возење од Бред, што ја прави оваа тајна романса полесно да се сокрие.
Нивната врска наводно започнала во средината на 2021 година.
Сепак, Бред претходно бил поврзуван со други познати или непознати жени. Уште кога го прекина бракот со Анџелина Џоли, медиумите го поврзуваат со Нери Оксман и Никол Потуралски.
Иако го прекина бракот со Анџелина Џоли, Бред сè уште е во судски спор со својата поранешна сопруга за старателството над петте деца.
Лики Ли е најпозната по нејзиниот голем хит „I Follow Rivers“, а имаше и неколку соработки со големи холивудски музички ѕвезди, меѓу кои и продуцентот Марк Ронсон, кој исто така работеше со Мајли Сајрус и Лејди Гага.
